الحين ابيك وقبل هالـحين ماأبـيك
وقبل الشروق بنص ساعه نسيتك
لو جيت بدري يشهد الله بحييك
اما ثلاث سنين وتقول جيتك
قانون مين الي عن الصد يحميك ؟
والا خفوقي تقدر تقول بيتك ؟
ماني على خبرك بصدق حكاويك
مثلك على هدم المحبه هقيتك
ارجع ورى خل الامام لتخليك
خل الوجع يكسي ضلوعي ..رجيتك
ارجع لذيك الي عطتني بقاويك
خلك لهـآ مادمت انا قد نسيتك
لا تخسر اثنينـن وخلك مع ذيك
لا تخسـر اثنينـن مادامي لغيتك
يمكن تناسب طبع حضرة معاليك
لاني انا وياللأسف ماوفيتك ..!
يمكن تخونك وبخيانه تهنيك
يمكن تلاقي الي انا ماعطيتك
يمكن بلحظه من حكي الزيف تحـويك
وبكل سهوله تنـّطق لك فديتك
يمكن بماي الكذب يازين تسقيك
ترويك جرحـن دام انا مارويتك
ماعاد لي ياصاحبي بين اياديك
مرجع ولا بتذكر أني لقيتك
خلك لها مادآم رجلك توديك
للـي خذت فرحـة خفوقي لـصيتك
خلك لها وانا اوعدك مااناديك
يالي رغم ذيك السنين احتريتك
يالي على فرقـآي تشهد خطـآويك
ليتك تحس بخيبة الحب ليتك
والا عساك تشوف جرحـن يوازيك
من حيث ماترحل همومـن تبيتك
يالله عسى كل البشر ماتخاويك
حتى دموعك تقتفي لاقفيتك
تبكي ودمعك بالمحـآجر يجافيك
تصرخ وتنخي للبشر مانخيتك
راجع وتحسبني من الشوق بهديك
صرخه هلا وينك حشا ماجفيتك؟
بدري ترا ماعاد لي نفس اشريك
لو كنت مجاناً حشا ماخذيتك
كان الرجوله تجرح احساس غاليك
انا بصمتي.. والأنوثه وطيتك
وكان الغدر هو السبب في تعليك
انا بدمعي والـمحـبه عليتك
توني ابيك ولكن الحين ماابيك
قررت ابيعك مثل ما انا شريتك
السبت أكتوبر 17, 2009 2:43 am